EeseDharmaSanātana Library
31काण्ड 1 · सूक्त 31
Atharvaveda Śaunaka Kand 1, Sukta 31.
4 shlokआशा॑नामाशापा॒लेभ्य॑श्च॒तुर्भ्यो॑ अ॒मृते॑भ्यः ।
इ॒दं भू॒तस्याध्य॑क्षेभ्यो वि॒धेम॑ ह॒विषा॑ व॒यम् ॥१॥
āśā॑nāmāśāpā॒lebhya॑śca॒turbhyo॑ a॒mṛte॑bhyaḥ | i॒daṃ bhū॒tasyādhya॑kṣebhyo vi॒dhema॑ ha॒viṣā॑ va॒yam || १ ||
य आशा॑नामाशापा॒लाश्च॒त्वार॒ स्थन॑ देवाः ।
ते नो॒ निरृ॑त्याः॒ पाशे॑भ्यो मु॒ञ्चतांह॑सो अंहसः ॥२॥
ya āśā॑nāmāśāpā॒lāśca॒tvāra॒ sthana॑ devāḥ | te no॒ nirṛ॑tyāḥ॒ pāśe॑bhyo mu॒ñcatāṃha॑so aṃhasaḥ || २ ||
अस्रा॑मस्त्वा ह॒विषा॑ यजा॒म्यश्लो॑णस्त्वा घृ॒तेन॑ जुहोमि ।
य आशा॑नामाशापा॒लस्तु॒रीयो॑ दे॒वः स नः॑ सुभू॒तमेह व॑क्षत् ॥३॥
asrā॑mastvā ha॒viṣā॑ yajā॒myaślo॑ṇastvā ghṛ॒tena॑ juhomi | ya āśā॑nāmāśāpā॒lastu॒rīyo॑ de॒vaḥ sa naḥ॑ subhū॒tameha va॑kṣat || ३ ||
स्व॒स्ति मा॒त्र उ॒त पि॒त्रे नो॑ अस्तु स्व॒स्ति गोभ्यो॒ जग॑ते॒ पुरु॑षेभ्यः ।
विश्वं॑ सुभू॒तं सु॑वि॒दत्रं॑ नो अस्तु॒ ज्योगे॒व दृ॑शेम॒ सूर्य॑म् ॥४॥
sva॒sti mā॒tra u॒ta pi॒tre no॑ astu sva॒sti gobhyo॒ jaga॑te॒ puru॑ṣebhyaḥ | viśvaṃ॑ subhū॒taṃ su॑vi॒datraṃ॑ no astu॒ jyoge॒va dṛ॑śema॒ sūrya॑m || ४ ||