EeseDharmaSanātana Library
28काण्ड 1 · सूक्त 28
Atharvaveda Śaunaka Kand 1, Sukta 28.
4 shlokउप॒ प्रागा॑द् दे॒वो अ॒ग्नी र॑क्षो॒हामी॑व॒चात॑नः ।
दह॒न्नप॑ द्वया॒विनो॑ यातु॒धाना॑न् किमी॒दिनः॑ ॥१॥
upa॒ prāgā॑d de॒vo a॒gnī ra॑kṣo॒hāmī॑va॒cāta॑naḥ | daha॒nnapa॑ dvayā॒vino॑ yātu॒dhānā॑n kimī॒dinaḥ॑ || १ ||
प्रति॑ दह यातु॒धाना॒न् प्रति॑ देव किमी॒दिनः॑ ।
प्र॒तीचीः॑ कृष्णवर्तने॒ सं द॑ह यातुधा॒न्यः ॥२॥
prati॑ daha yātu॒dhānā॒n prati॑ deva kimī॒dinaḥ॑ | pra॒tīcīḥ॑ kṛṣṇavartane॒ saṃ da॑ha yātudhā॒nyaḥ || २ ||
या श॒शाप॒ शप॑नेन॒ याघं मूर॑माद॒धे।
या रस॑स्य॒ हर॑णाय जा॒तमा॑रे॒भे तो॒कम॑त्तु॒ सा ॥३॥
yā śa॒śāpa॒ śapa॑nena॒ yāghaṃ mūra॑māda॒dhe | yā rasa॑sya॒ hara॑ṇāya jā॒tamā॑re॒bhe to॒kama॑ttu॒ sā || ३ ||
पु॒त्रम॑त्तु यातुधा॒नीः स्वसा॑रमु॒त न॒प्त्यऽम्।
अधा॑ मि॒थो वि॑के॒श्यो॒३वि घ्न॑तां यातुधा॒न्यो॒३वि तृ॑ह्यन्तामरा॒य्यः ॥४॥
pu॒trama॑ttu yātudhā॒nīḥ svasā॑ramu॒ta na॒ptya’m | adhā॑ mi॒tho vi॑ke॒śyo॒३vi ghna॑tāṃ yātudhā॒nyo॒३vi tṛ॑hyantāmarā॒yyaḥ || ४ ||