EeseDharmaSanātana Library
24काण्ड 1 · सूक्त 24
Atharvaveda Śaunaka Kand 1, Sukta 24.
4 shlokसु॒प॒र्णो जा॒तः प्र॑थ॒मस्तस्य॒ त्वं पि॒त्तमा॑सिथ ।
तदा॑सु॒री यु॒धा जि॒ता रू॒पं च॑क्रे॒ वन॒स्पती॑न् ॥१॥
su॒pa॒rṇo jā॒taḥ pra॑tha॒mastasya॒ tvaṃ pi॒ttamā॑sitha | tadā॑su॒rī yu॒dhā ji॒tā rū॒paṃ ca॑kre॒ vana॒spatī॑n || १ ||
आ॒सु॒री च॑क्रे प्रथ॒मेदं कि॑लासभेष॒जमि॒दं कि॑लास॒नाश॑नम्।
अनी॑नशत् कि॒लासं॒ सरू॑पामकर॒त् त्वच॑म् ॥२॥
ā॒su॒rī ca॑kre pratha॒medaṃ ki॑lāsabheṣa॒jami॒daṃ ki॑lāsa॒nāśa॑nam | anī॑naśat ki॒lāsaṃ॒ sarū॑pāmakara॒t tvaca॑m || २ ||
सरू॑पा॒ नाम॑ ते मा॒ता सरू॑पो॒ नाम॑ ते पि॒ता।
स॒रू॒प॒कृत् त्वमो॑षधे॒ सा सरू॑पमि॒दं कृ॑धि ॥३॥
sarū॑pā॒ nāma॑ te mā॒tā sarū॑po॒ nāma॑ te pi॒tā | sa॒rū॒pa॒kṛt tvamo॑ṣadhe॒ sā sarū॑pami॒daṃ kṛ॑dhi || ३ ||
श्या॒मा स॑रूपं॒कर॑णी पृथि॒व्या अध्युद्भृ॑ता ।
इ॒दमू॒ षु प्र सा॑धय॒ पुना॑ रू॒पाणि॑ कल्पय ॥४॥
śyā॒mā sa॑rūpaṃ॒kara॑ṇī pṛthi॒vyā adhyudbhṛ॑tā | i॒damū॒ ṣu pra sā॑dhaya॒ punā॑ rū॒pāṇi॑ kalpaya || ४ ||