EeseDharmaSanātana Library
23काण्ड 1 · सूक्त 23
Atharvaveda Śaunaka Kand 1, Sukta 23.
4 shlokन॒क्तं॒जा॒तास्यो॑षधे॒ रामे॒ कृष्णे॒ असि॑क्नि च ।
इ॒दं र॑जनि रजय कि॒लासं॑ पलि॒तं च॒ यत् ॥१॥
na॒ktaṃ॒jā॒tāsyo॑ṣadhe॒ rāme॒ kṛṣṇe॒ asi॑kni ca | i॒daṃ ra॑jani rajaya ki॒lāsaṃ॑ pali॒taṃ ca॒ yat || १ ||
कि॒लासं॑ च पलि॒तं च॒ निरि॒तो ना॑शया॒ पृष॑त्।
आ त्वा॒ स्वो वि॑शतां॒ वर्णः॒ परा॑ शु॒क्लानि॑ पातय ॥२॥
ki॒lāsaṃ॑ ca pali॒taṃ ca॒ niri॒to nā॑śayā॒ pṛṣa॑t | ā tvā॒ svo vi॑śatāṃ॒ varṇaḥ॒ parā॑ śu॒klāni॑ pātaya || २ ||
असि॑तं ते प्र॒लय॑नमा॒स्थान॒मसि॑तं॒ तव॑ ।
असि॑क्न्यस्योषधे॒ निरि॒तो ना॑शया॒ पृष॑त् ॥३॥
asi॑taṃ te pra॒laya॑namā॒sthāna॒masi॑taṃ॒ tava॑ | asi॑knyasyoṣadhe॒ niri॒to nā॑śayā॒ pṛṣa॑t || ३ ||
अ॒स्थि॒जस्य॑ कि॒लास॑स्य तनू॒जस्य॑ च॒ यत् त्व॒चि।
दूष्या॑ कृ॒तस्य॒ ब्रह्म॑णा॒ लक्ष्म॑ श्वे॒तम॑नीनशम् ॥४॥
a॒sthi॒jasya॑ ki॒lāsa॑sya tanū॒jasya॑ ca॒ yat tva॒ci | dūṣyā॑ kṛ॒tasya॒ brahma॑ṇā॒ lakṣma॑ śve॒tama॑nīnaśam || ४ ||