EeseDharmaSanātana Library
22काण्ड 1 · सूक्त 22
Atharvaveda Śaunaka Kand 1, Sukta 22.
4 shlokअनु॒ सूर्य॒मुद॑यतां हृद्दयो॒तो ह॑रि॒मा च॑ ते ।
गो रोहि॑तस्य॒ वर्णे॑न॒ तेन॑ त्वा॒ परि॑ दध्मसि ॥१॥
anu॒ sūrya॒muda॑yatāṃ hṛddayo॒to ha॑ri॒mā ca॑ te | go rohi॑tasya॒ varṇe॑na॒ tena॑ tvā॒ pari॑ dadhmasi || १ ||
परि॑ त्वा॒ रोहि॑तै॒र्वर्णै॑र्दीर्घायु॒त्वाय॑ दध्मसि ।
यथा॒यम॑र॒पा अस॒दथो॒ अह॑रितो॒ भुव॑त् ॥२॥
pari॑ tvā॒ rohi॑tai॒rvarṇai॑rdīrghāyu॒tvāya॑ dadhmasi | yathā॒yama॑ra॒pā asa॒datho॒ aha॑rito॒ bhuva॑t || २ ||
या रोहि॑णीर्देव॒त्या॒३ गावो॒ या उ॒त रोहि॑णीः ।
रू॒पंरू॑पं वयो॑वय॒स्ताभि॑ष्ट्वा॒ परि॑ दध्मसि ॥३॥
yā rohi॑ṇīrdeva॒tyā॒३ gāvo॒ yā u॒ta rohi॑ṇīḥ | rū॒paṃrū॑paṃ vayo॑vaya॒stābhi॑ṣṭvā॒ pari॑ dadhmasi || ३ ||
शुके॑षु ते हरि॒माणं॑ रोप॒णाका॑सु दध्मसि ।
अथो॒ हारि॑द्रवेषु ते हरि॒माणं॒ नि द॑ध्मसि ॥४॥
śuke॑ṣu te hari॒māṇaṃ॑ ropa॒ṇākā॑su dadhmasi | atho॒ hāri॑draveṣu te hari॒māṇaṃ॒ ni da॑dhmasi || ४ ||