EeseDharmaSanātana Library
20काण्ड 1 · सूक्त 20
Atharvaveda Śaunaka Kand 1, Sukta 20.
4 shlokअदा॑रसृद् भवतु देव सोमा॒स्मिन् य॒ज्ञे म॑रुतो मृ॒डता॑ नः ।
मा नो॑ विददभि॒भा मो अश॑स्ति॒र्मा नो॑ विदद् वृजि॒ना द्वेष्या॒ या ॥१॥
adā॑rasṛd bhavatu deva somā॒smin ya॒jñe ma॑ruto mṛ॒ḍatā॑ naḥ | mā no॑ vidadabhi॒bhā mo aśa॑sti॒rmā no॑ vidad vṛji॒nā dveṣyā॒ yā || १ ||
यो अ॒द्य सेन्यो॑ व॒धोऽघा॒यूना॑मु॒दीर॑ते ।
यु॒वं तं मि॑त्रावरुणाव॒स्मद्या॑वयतं॒ परि॑ ॥२॥
yo a॒dya senyo॑ va॒dho’ghā॒yūnā॑mu॒dīra॑te | yu॒vaṃ taṃ mi॑trāvaruṇāva॒smadyā॑vayataṃ॒ pari॑ || २ ||
इ॒तश्च॒ यद॒मुत॑श्च॒ यद् व॒धं व॑रुण यावय ।
वि म॒हच्छर्म॑ यच्छ॒ वरी॑यो यावया व॒धम् ॥३॥
i॒taśca॒ yada॒muta॑śca॒ yad va॒dhaṃ va॑ruṇa yāvaya | vi ma॒haccharma॑ yaccha॒ varī॑yo yāvayā va॒dham || ३ ||
शा॒स इ॒त्था म॒हाँ अ॑स्यमित्रसा॒हो अ॑स्तृ॒तः ।
न यस्य॑ ह॒न्यते॒ सखा॒ न जी॒यते॑ क॒दा च॒न ॥४॥
śā॒sa i॒tthā ma॒hām̐ a॑syamitrasā॒ho a॑stṛ॒taḥ | na yasya॑ ha॒nyate॒ sakhā॒ na jī॒yate॑ ka॒dā ca॒na || ४ ||