EeseDharmaSanātana Library
17काण्ड 1 · सूक्त 17
Atharvaveda Śaunaka Kand 1, Sukta 17.
4 shlokअ॒मूर्या यन्ति॑ यो॒षितो॑ हि॒रा लोहि॑तवाससः ।
अ॒भ्रात॑र इव जा॒मय॒स्तिष्ठ॑न्तु ह॒तव॑र्चसः ॥१॥
a॒mūryā yanti॑ yo॒ṣito॑ hi॒rā lohi॑tavāsasaḥ | a॒bhrāta॑ra iva jā॒maya॒stiṣṭha॑ntu ha॒tava॑rcasaḥ || १ ||
तिष्ठा॑वरे॒ तिष्ठ॑ पर उ॒त त्वं ति॑ष्ठ मध्यमे ।
क॒नि॒ष्ठि॒का च॒ तिष्ठ॑ति॒ तिष्ठा॒दिद्ध॒मनि॑र्म॒ही ॥२॥
tiṣṭhā॑vare॒ tiṣṭha॑ para u॒ta tvaṃ ti॑ṣṭha madhyame | ka॒ni॒ṣṭhi॒kā ca॒ tiṣṭha॑ti॒ tiṣṭhā॒diddha॒mani॑rma॒hī || २ ||
श॒तस्य॑ ध॒मनी॑नां स॒हस्र॑स्य हि॒राणा॑म्।
अस्थु॒रिन्म॑ध्य॒मा इ॒माः सा॒कमन्ता॑ अरंसत ॥३॥
śa॒tasya॑ dha॒manī॑nāṃ sa॒hasra॑sya hi॒rāṇā॑m | asthu॒rinma॑dhya॒mā i॒māḥ sā॒kamantā॑ araṃsata || ३ ||
परि॑ वः॒ सिक॑तावती ध॒नूर्बृ॑ह॒त्यऽक्रमीत्।तिष्ठ॑ते॒लय॑ता॒ सु क॑म् ॥४॥
pari॑ vaḥ॒ sika॑tāvatī dha॒nūrbṛ॑ha॒tya’kramīt | tiṣṭha॑te॒laya॑tā॒ su ka॑m || ४ ||