EeseDharmaSanātana Library
16काण्ड 1 · सूक्त 16
Atharvaveda Śaunaka Kand 1, Sukta 16.
4 shlokयेऽमावा॒स्यां॒३ रात्रि॑मु॒दस्थु॑र्व्रा॒जम॒त्त्रिणः॑ ।
अ॒ग्निस्तु॒रीयो॑ यातु॒हा सो अ॒स्मभ्य॒मधि॑ ब्रवत् ॥१॥
ye’māvā॒syāṃ॒३ rātri॑mu॒dasthu॑rvrā॒jama॒ttriṇaḥ॑ | a॒gnistu॒rīyo॑ yātu॒hā so a॒smabhya॒madhi॑ bravat || १ ||
सीसा॒याध्या॑ह॒ वरु॑णः॒ सीसा॑या॒ग्निरुपा॑वति ।
सीसं॑ म॒ इन्द्रः॒ प्राय॑च्छ॒त् तद॒ङ्ग या॑तु॒चात॑नम् ॥२॥
sīsā॒yādhyā॑ha॒ varu॑ṇaḥ॒ sīsā॑yā॒gnirupā॑vati | sīsaṃ॑ ma॒ indraḥ॒ prāya॑ccha॒t tada॒ṅga yā॑tu॒cāta॑nam || २ ||
इ॒दं विष्क॑न्धं सहत इ॒दं बा॑धते अ॒त्त्रिणः॑ ।
अ॒नेन॒ विश्वा॑ ससहे॒ या जा॒तानि॑ पिशा॒च्याः ॥३॥
i॒daṃ viṣka॑ndhaṃ sahata i॒daṃ bā॑dhate a॒ttriṇaḥ॑ | a॒nena॒ viśvā॑ sasahe॒ yā jā॒tāni॑ piśā॒cyāḥ || ३ ||
यदि॑ नो॒ गां हंसि॒ यद्यश्वं॒ यदि॒ पूरु॑षम्।
तं त्वा॒ सीसे॑न विध्यामो॒ यथा॒ नोऽसो॒ अवी॑रहा ॥४॥
yadi॑ no॒ gāṃ haṃsi॒ yadyaśvaṃ॒ yadi॒ pūru॑ṣam | taṃ tvā॒ sīse॑na vidhyāmo॒ yathā॒ no’so॒ avī॑rahā || ४ ||