EeseDharmaSanātana Library
10काण्ड 1 · सूक्त 10
Atharvaveda Śaunaka Kand 1, Sukta 10.
4 shlokअ॒यं दे॒वाना॒मसु॑रो॒ वि रा॑जति॒ वशा॒ हि स॒त्या वरु॑णस्य॒ राज्ञः॑ ।
तत॒स्परि॒ ब्रह्म॑णा॒ शाश॑दान उ॒ग्रस्य॑ म॒न्योरुदि॒मं न॑यामि ॥१॥
a॒yaṃ de॒vānā॒masu॑ro॒ vi rā॑jati॒ vaśā॒ hi sa॒tyā varu॑ṇasya॒ rājñaḥ॑ | tata॒spari॒ brahma॑ṇā॒ śāśa॑dāna u॒grasya॑ ma॒nyorudi॒maṃ na॑yāmi || १ ||
नम॑स्ते राजन् वरुणास्तु म॒न्यवे॒ विश्वं॒ ह्यु॒ऽग्र निचि॒केषि॑ द्रु॒ग्धम् ।
स॒हस्र॑म॒न्यान् प्र सु॑वामि सा॒कं श॒तं जी॑वाति श॒रद॒स्तवा॒यम् ॥२॥
nama॑ste rājan varuṇāstu ma॒nyave॒ viśvaṃ॒ hyu॒’gra nici॒keṣi॑ dru॒gdham | sa॒hasra॑ma॒nyān pra su॑vāmi sā॒kaṃ śa॒taṃ jī॑vāti śa॒rada॒stavā॒yam || २ ||
यदु॒वक्थानृ॑तं जि॒ह्वया॑ वृजि॒नं ब॒हु।
राज्ञ॑स्त्वा स॒त्यध॑र्मणो मु॒ञ्चामि॒ वरु॑णाद॒हम् ॥३॥
yadu॒vakthānṛ॑taṃ ji॒hvayā॑ vṛji॒naṃ ba॒hu | rājña॑stvā sa॒tyadha॑rmaṇo mu॒ñcāmi॒ varu॑ṇāda॒ham || ३ ||
मु॒ञ्चामि॑ त्वा वैश्वान॒राद॑र्ण॒वान्म॑ह॒तस्परि॑ ।
स॒जा॒तानु॑ग्रे॒हा व॑द॒ ब्रह्म॒ चाप॑ चिकीहि नः ॥४॥
mu॒ñcāmi॑ tvā vaiśvāna॒rāda॑rṇa॒vānma॑ha॒taspari॑ | sa॒jā॒tānu॑gre॒hā va॑da॒ brahma॒ cāpa॑ cikīhi naḥ || ४ ||