EeseDharmaSanātana Library
7प्रकरण 7
5 shlokमय्यनन्तमहाम्भोधौ विश्वपोत इतस्ततः।
भ्रमति स्वान्तवातेन न ममास्त्यसहिष्णुता॥७।१॥
mayyanantamahāmbhodhau viśvapota itastataḥ | bhramati svāntavātena na mamāstyasahiṣṇutā || ७ | १ ||
मय्यनन्तमहाम्भोधौ जगद्वीचिः स्वभावतः।
उदेतु वास्तमायातु न मे वृद्धिर्न च क्षतिः॥७।२॥
mayyanantamahāmbhodhau jagadvīciḥ svabhāvataḥ | udetu vāstamāyātu na me vṛddhirna ca kṣatiḥ || ७ | २ ||
मय्यनन्तमहाम्भोधौ विश्वं नाम विकल्पना।
अतिशान्तो निराकार एतदेवाहमास्थितः॥७।३॥
mayyanantamahāmbhodhau viśvaṃ nāma vikalpanā | atiśānto nirākāra etadevāhamāsthitaḥ || ७ | ३ ||
नात्मा भावेषु नो भावस्तत्रानन्ते निरञ्जने।
इत्यसक्तोऽस्पृहः शान्त एतदेवाहमास्थितः॥७।४॥
nātmā bhāveṣu no bhāvastatrānante nirañjane | ityasakto’spṛhaḥ śānta etadevāhamāsthitaḥ || ७ | ४ ||
अहो चिन्मात्रमेवाहमिन्द्रजालोपमं जगत्।
अतो मम कथं कुत्र हेयोपादेयकल्पना॥७।५॥
aho cinmātramevāhamindrajālopamaṃ jagat | ato mama kathaṃ kutra heyopādeyakalpanā || ७ | ५ ||