EeseDharmaSanātana Library
5प्रकरण 5
4 shlokन ते सङ्गोऽस्ति केनापि किं शुद्धस्त्यक्तुमिच्छसि।
सङ्घातविलयं कुर्वन्नेवमेव लयं व्रज॥५।१॥
na te saṅgo’sti kenāpi kiṃ śuddhastyaktumicchasi | saṅghātavilayaṃ kurvannevameva layaṃ vraja || ५ | १ ||
उदेति भवतो विश्वं वारिधेरिव बुद्बुदः।
इति ज्ञात्वैकमात्मानमेवमेव लयं व्रज॥५।२॥
udeti bhavato viśvaṃ vāridheriva budbudaḥ | iti jñātvaikamātmānamevameva layaṃ vraja || ५ | २ ||
प्रत्यक्षमप्यवस्तुत्वाद्विश्वं नास्त्यमले त्वयि।
रज्जुसर्प इव व्यक्तमेवमेव लयं व्रज॥५।३॥
pratyakṣamapyavastutvādviśvaṃ nāstyamale tvayi | rajjusarpa iva vyaktamevameva layaṃ vraja || ५ | ३ ||
समदुःखसुखः पूर्ण आशानैराश्ययोः समः।
समजीवितमृत्युः सन्नेवमेव लयं व्रज॥५।४॥
samaduḥkhasukhaḥ pūrṇa āśānairāśyayoḥ samaḥ | samajīvitamṛtyuḥ sannevameva layaṃ vraja || ५ | ४ ||