EeseDharmaSanātana Library
4प्रकरण 4
6 shlokहन्तात्मज्ञस्य धीरस्य खेलतो भोगलीलया।
न हि संसारवाहीकैर्मूढैः सह समानता॥४।१॥
hantātmajñasya dhīrasya khelato bhogalīlayā | na hi saṃsāravāhīkairmūḍhaiḥ saha samānatā || ४ | १ ||
यत्पदं प्रेप्सवो दीनाः शक्राद्याः सर्वदेवताः।
अहो तत्र स्थितो योगी न हर्षमुपगच्छति॥४।२॥
yatpadaṃ prepsavo dīnāḥ śakrādyāḥ sarvadevatāḥ | aho tatra sthito yogī na harṣamupagacchati || ४ | २ ||
तज्ज्ञस्य पुण्यपापाभ्यां स्पर्शो ह्यन्तर्न जायते।
न ह्याकाशस्य धूमेन दृश्यमानाऽपि संगतिः॥४।३॥
tajjñasya puṇyapāpābhyāṃ sparśo hyantarna jāyate | na hyākāśasya dhūmena dṛśyamānā’pi saṃgatiḥ || ४ | ३ ||
आत्मैवेदं जगत्सर्वं ज्ञातं येन महात्मना।
यदृच्छया वर्तमानं तं निषेद्धुं क्षमेत कः॥४।४॥
ātmaivedaṃ jagatsarvaṃ jñātaṃ yena mahātmanā | yadṛcchayā vartamānaṃ taṃ niṣeddhuṃ kṣameta kaḥ || ४ | ४ ||
आब्रह्मस्तम्बपर्यन्ते भूतग्रामे चतुर्विधे।
विज्ञस्यैव हि सामर्थ्यमिच्छाऽनिच्छाविवर्जने॥४।५॥
ābrahmastambaparyante bhūtagrāme caturvidhe | vijñasyaiva hi sāmarthyamicchā’nicchāvivarjane || ४ | ५ ||
आत्मानमद्वयं कश्चिज्जानाति जगदीश्वरम्।
यद्वेत्ति तत्स कुरुते न भयं तस्य कुत्रचित्॥४।६॥
ātmānamadvayaṃ kaścijjānāti jagadīśvaram | yadvetti tatsa kurute na bhayaṃ tasya kutracit || ४ | ६ ||