Aitareya Upaniṣad 4.1◌ EeseDharma mein verified
॥ अथ ऐतरोपनिषदि द्वितीयोध्यायः ॥
पुरुषे ह वा अयमादितो गर्भो भवति यदेतद्रेतः । तदेतत्सर्वेभ्योऽङ्गेभ्यस्तेजः सम्भूतमात्मन्येवऽऽत्मानं बिभर्ति तद्यदा स्त्रियां सिञ्चत्यथैनज्जनयति तदस्य प्रथमं जन्म ॥ १ ॥
Roman reading|| atha aitaropaniṣadi dvitīyodhyāyaḥ || puruṣe ha vā ayamādito garbho bhavati yadetadretaḥ | tadetatsarvebhyo’ṅgebhyastejaḥ sambhūtamātmanyeva’’tmānaṃ bibharti tadyadā striyāṃ siñcatyathainajjanayati tadasya prathamaṃ janma || १ ||
Project-owned meaning abhi available nahi hai.
Aitareya Upaniṣad 4.2◌ EeseDharma mein verified
तत्स्त्रिया आत्मभूयं गच्छति यथा स्वमङ्गं तथा । तस्मादेनां न हिनस्ति । साऽस्यैतमात्मानमत्र गतं भावयति ॥ २ ॥
Roman readingtatstriyā ātmabhūyaṃ gacchati yathā svamaṅgaṃ tathā | tasmādenāṃ na hinasti | sā’syaitamātmānamatra gataṃ bhāvayati || २ ||
Project-owned meaning abhi available nahi hai.
Aitareya Upaniṣad 4.3◌ EeseDharma mein verified
सा भावयित्री भावयितव्या भवति । तं स्त्री गर्भ बिभर्ति । सोऽग्र एव कुमारं जन्मनोऽग्रेऽधिभावयति । स यत्कुमारं जन्मनोऽग्रेऽधिभावयत्यात्मानमेव तद्भावयत्येषां लोकानां सन्तत्या । एवं सन्तता हीमे लोकास्तदस्य द्वितीयं जन्म ॥ ३ ॥
Roman readingsā bhāvayitrī bhāvayitavyā bhavati | taṃ strī garbha bibharti | so’gra eva kumāraṃ janmano’gre’dhibhāvayati | sa yatkumāraṃ janmano’gre’dhibhāvayatyātmānameva tadbhāvayatyeṣāṃ lokānāṃ santatyā | evaṃ santatā hīme lokāstadasya dvitīyaṃ janma || ३ ||
Project-owned meaning abhi available nahi hai.
Aitareya Upaniṣad 4.4◌ EeseDharma mein verified
सोऽस्यायमात्मा पुण्येभ्यः कर्मभ्यः प्रतिधीयते । अथास्यायामितर आत्मा कृतकृत्यो वयोगतः प्रैति । स इतः प्रयन्नेव पुनर्जायते तदस्य तृतीयं जन्म ॥ ४ ॥
Roman readingso’syāyamātmā puṇyebhyaḥ karmabhyaḥ pratidhīyate | athāsyāyāmitara ātmā kṛtakṛtyo vayogataḥ praiti | sa itaḥ prayanneva punarjāyate tadasya tṛtīyaṃ janma || ४ ||
Project-owned meaning abhi available nahi hai.
Aitareya Upaniṣad 4.5◌ EeseDharma mein verified
तदुक्तमृषिणा गर्भे नु सन्नन्वेषामवेदमहं देवानां जनिमानि विश्वा शतं मा पुर आयसीररक्षन्नधः श्येनो जवसा निरदीयमिति । गर्भ एवैतच्छयानो वामदेव एवमुवाच ॥ ५ ॥
Roman readingtaduktamṛṣiṇā garbhe nu sannanveṣāmavedamahaṃ devānāṃ janimāni viśvā śataṃ mā pura āyasīrarakṣannadhaḥ śyeno javasā niradīyamiti | garbha evaitacchayāno vāmadeva evamuvāca || ५ ||
Project-owned meaning abhi available nahi hai.
Aitareya Upaniṣad 4.6◌ EeseDharma mein verified
स एवं विद्वानस्माच्छरीरभेदादूर्ध्व उत्क्रम्यामुष्मिन् स्वर्गे लोके सर्वान् कामानाप्त्वाऽमृतः समभवत् समभवत् ॥ ६ ॥
Roman readingsa evaṃ vidvānasmāccharīrabhedādūrdhva utkramyāmuṣmin svarge loke sarvān kāmānāptvā’mṛtaḥ samabhavat samabhavat || ६ ||
Project-owned meaning abhi available nahi hai.
