Aitareya Upaniṣad · Opening Śānti◌ EeseDharma mein verified
वाङ् मे मनसि प्रतिष्ठिता मनो मे वाचि प्रतिष्ठितमाविरावीर्म एधि ।
वेदस्य म आणीस्थः श्रुतं मे मा प्रहासीरनेनाधीतेनाहोरात्रान् सन्दधाम्यृतं वदिष्यामि सत्यं वदिष्यामि ।
तन्मामवतु तद्वक्तारमवत्ववतु मामवतु वक्तारमवतु वक्तारम् ।
ॐ शान्तिः शान्तिः शान्तिः ॥
Roman readingvāṅ me manasi pratiṣṭhitā mano me vāci pratiṣṭhitamāvirāvīrma edhi | vedasya ma āṇīsthaḥ śrutaṃ me mā prahāsīranenādhītenāhorātrān sandadhāmyṛtaṃ vadiṣyāmi satyaṃ vadiṣyāmi | tanmāmavatu tadvaktāramavatvavatu māmavatu vaktāramavatu vaktāram | oṃ śāntiḥ śāntiḥ śāntiḥ ||
Project-owned meaning abhi available nahi hai.
Aitareya Upaniṣad 1.1◌ EeseDharma mein verified
आत्मा वा इदमेक एवाग्र आसीन्नान्यत्किञ्चचन ।
स ईक्षत लोकान्नु सृजा इति ॥ १ ॥
Roman readingātmā vā idameka evāgra āsīnnānyatkiñcacana | sa īkṣata lokānnu sṛjā iti || १ ||
Project-owned meaning abhi available nahi hai.
Aitareya Upaniṣad 2◌ EeseDharma mein verified
स इमाँल्लोकानसृजत । अम्भो मरीचीर्मापोऽदोऽम्भः परेण दिवं द्यौः प्रतिष्ठाऽन्तरिक्षं मरीचयः । पृथिवी मरो या अधस्तात्त आपः ॥ २ ॥
Roman readingsa imām̐llokānasṛjata | ambho marīcīrmāpo’do’mbhaḥ pareṇa divaṃ dyauḥ pratiṣṭhā’ntarikṣaṃ marīcayaḥ | pṛthivī maro yā adhastātta āpaḥ || २ ||
Project-owned meaning abhi available nahi hai.
Aitareya Upaniṣad 3◌ EeseDharma mein verified
स ईक्षतेमे नु लोका लोकपालान्नु सृजा इति ॥ सोऽद्भ्य एव पुरुषं समुद्धृत्यामूर्छयत् ॥ ३ ॥
Roman readingsa īkṣateme nu lokā lokapālānnu sṛjā iti || so’dbhya eva puruṣaṃ samuddhṛtyāmūrchayat || ३ ||
Project-owned meaning abhi available nahi hai.
Aitareya Upaniṣad 4◌ EeseDharma mein verified
तमभ्यतपत्तस्याभितप्तस्य मुखं निरभिद्यत यथाऽण्डं मुखाद्वाग्वाचोऽग्निर्नासिके निरभिद्येतं नासिकाभ्यां प्राणः । प्राणाद्वायुरक्षिणी निरभिद्येतमक्षिभ्यां चक्षुश्चक्षुष आदित्यः कर्णौ निरभिद्येतां कर्णाभ्यां श्रोत्रं श्रोत्रद्दिशस्त्वङ्निरभिद्यत त्वचो लोमानि लोमभ्य ओषधिवनस्पतयो हृदयं निरभिद्यत हृदयान्मनो मनसश्चन्द्रमा नाभिर्निरभिद्यत नाभ्या अपानोऽपानान्मृत्युः शिश्नं निरभिद्यत शिश्नाद्रेतो रेतस आपः ॥ ४ ॥
Roman readingtamabhyatapattasyābhitaptasya mukhaṃ nirabhidyata yathā’ṇḍaṃ mukhādvāgvāco’gnirnāsike nirabhidyetaṃ nāsikābhyāṃ prāṇaḥ | prāṇādvāyurakṣiṇī nirabhidyetamakṣibhyāṃ cakṣuścakṣuṣa ādityaḥ karṇau nirabhidyetāṃ karṇābhyāṃ śrotraṃ śrotraddiśastvaṅnirabhidyata tvaco lomāni lomabhya oṣadhivanaspatayo hṛdayaṃ nirabhidyata hṛdayānmano manasaścandramā nābhirnirabhidyata nābhyā apāno’pānānmṛtyuḥ śiśnaṃ nirabhidyata śiśnādreto retasa āpaḥ || ४ ||
Project-owned meaning abhi available nahi hai.
